Hazırda xüsusi karantin rejimi səbəbilə Tibbi Sosial Ekspert Komissiyalarında vətəndaş qəbulu məhdudlaşdırılıb. ONN media xəbər verir ki, bunu  Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr və kommunikasiya şöbəsinin  müdiri Fazil Talıbov bildirib. F.Talıbov qeyd edib ki, bu sahədə də elektron sistem fəaliyyət göstərir: “Karantin rejimi olmasa belə, vətəndaşın Tibbi Sosial Ekspert Komissiyasına getməyinə ehtiyac yoxdur. Əlilliyin təyinatı elektron sistem üzərindən həyata keçirilir. Vətəndaş üçün müvafiq xəstəxanlardan verilən göndərişlərə baxılır və əlillik təyinatı həyata keçirilir”. F.Talıbov deyib ki, istər karantin rejimi dövründə, istərsə də bundan öncə əlilliyin təyintı üçün vətəndaşlarla birbaşa ünsiyyət aparılmayıb.