Binəqədi bələdiyyəsinin sədri Niyaz Niftiyev 3 ay müddətinə həbs edilib.

ONN media xəbər verir ki, bu barədə Nərimanov rayon Məhkəməsi qərar qəbul edib.

Qeyd edək ki, 16 aprel tarixində Baş Mütəşəkkil Cinayətkarlıqla Mübarizə İdarəsinin keçirdiyi əməliyyat nəticəsində saxlanılan Niyaz Niftiyev bir gün sonra azadlığa buraxılmışdı. Vəkilinin verdiyi məlumata görə, karantin rejimininin pozulmasına şərait yaradan və hər biri 30 manatdan satılan 431 saxta arayışın yalnız 3-də Niyaz Niftiyevin imzası var və o 3 arayış da saxta deyil. Bunu nəzərə alaraq polis istintaq müddətində onun azadlıqda qalması qərarını verib.

Lakin bu gün əlavə sübutlar təqdim edildiyi üçün məhkəmə onun barəsində həbs qərarı verib.axar.az