Prinston Universitetinin alimləri pandemiya zamanı insanların davranışındakı əsas səhvləri müəyyənləşdirib. Mütəxəssislərin fikrincə, əhali infeksiya haqqında çox düşünür və özünə qulluq etmək barədə unudur. ONN media  xəbər verir ki, ekspertlər özünütəcrid dövründə insanların yuxu rejiminə diqqət etmədiyini, fiziki aktivliyin aşağı düşdüyünü və başqaları ilə ünsiyyəti azaltdığını bildirib. Bundan əlavə, alimlər qeyd edib ki, özünü təcrid etmək xroniki ruhi xəstəlikləri inkişaf etdirə bilər və bu problemin ömür boyu davam etmə ehtimalı olduqca yüksəkdir. Amerika alimləri digər ümumi səhv kimi statistik məlumatların təsnifatını göstərib. Mütəxəssislər əmindir ki, bu məsələdəki hər hansı səhv əsassız çaxnaşmaya və ya əksinə yalançı ümidlərə səbəb ola bilər. Ekspertlər mədəniyyət ənənələri və vərdişlər kimi amillərin infeksiyaya qarşı mübarizəni çətinləşdirə biləcəyinə inanırlar. Məsələn, görüşlərdə təmas ənənəsi. Bütün bu səhv davranışları aradan qaldırmaq üçün elm adamları həkimləri pandemiya zamanı şüar və plakatların köməyi ilə düzgün məlumat yaymağa çağırıb.(publika.az)