Çinin paytaxtı Pekində koronavirusun ikinci dalğası yayılmağa başlayıb. ONN media xəbər verir ki, 10 milyondan çox əhalisi olan şəhərdə qabaqlayıcı tədbirlər elan olunub. Bir çox iş yerləri, idman zalları, hovuzlar yenidən istifadəyə bağlanıb. Paytaxtda gigiyenik qaydalara riayət etməyənlər, maskasız küçəyə çıxan xəstələr və küçədə ev heyvanları gəzdirənlər üçün böyük məbləğdə cərimə nəzərdə tutulub. Pandemiyanın Rusiya ilə sərhəd ərazilərdə geniş vüsət aldığı da bildirilir. Son rəqəmlərə görə, Çində 82 min 830 nəfər koronavirusa yoluxub, 4 min 633 nəfər dünyasını dəyişib.