Səudiyyə Ərəbistanında sosial məsafənin qorunması, küçəyə çıxma qadağası və namazların kütləvi şəkildə qılınması qadağan olunduğu üçün Kəbədəki namazlar da bu qadağalar çərçivəsində qılınır.

ONN media xəbər verir ki, müsəlmanların müqəddəs məkanında çox az sayda insanın axşam namazını birlikdə qılmasına icazə verilir.

Burada hərəmeyn işlərində çalışanlar, dezinfeksiya işləri aparan şəxslər və digər işçilər namazı birlikdə icra edirlər.

Qeyd edək ki, koronavirus pandemiyasına qarşı mübarizə çərçivəsində bir çox sahələrdə olduğu kimi ibadətgahlarda da kütləvi toplaşma qadağan olunub.