Paytaxtdakı ekspress avtobuslar karantin rejimindən sonra da fəaliyyət göstərə bilər. ONN media xəbər verir ki, bu sözləri mayın 4-də Azərbaycan Respublikası Nazirlər Kabineti yanında Operativ Qərargahda keçirilən brifinqdə Bakı Nəqliyyat Agentliyinin idarə heyətinin sədri Vüsal Kərimli deyib. O bildirib ki, bununla bağlı araşdırma aparılacaq. Avtobusların hansı saatlarda fəaliyyət göstərməsi məsələsi və digər məsələlər müzakirə edildikdən sonra ekspress avtobusların istifadəsi ilə əlaqədar qərar verilə bilər.