Rusiya beynəlxalq hava sərhədlərini açır.

ONN media  xəbər verir ki, bu barədə ölkənin Baş naziri Mixail Mişustin qərar imzalayıb.

Qərara əsasən, ruslar qohumlarına qulluq etmək, müalicə almaq, işləmək və təhsil üçün ölkə xaricinə çıxa bilər. Bundan başqa, yalnız müalicə üçün Rusiyaya üz tutmaq istəyən xarici vətəndaşlar və xaricdə yaşayanlar sağlamlıq baxımından yardıma ehtiyacı olan qohumlarına görə ölkəyə giriş edə bilərlər.

Qeyd edək ki, Rusiya mart ayından bəri ölkəyə giriş-çıxışı dayandırmışdı.

RBK qəzetinin məlumatına görə, Rusiya ilk mərhələdə 15 ölkə ilə uçuşları bərpa edəcək. Buraya Avropa ölkələri, Çin, Cənubi Koreya və Türkiyə daxildir. Lakin bu iddia rəsmi qurumlar tərəfindən təsdiqini tapmayıb.

Xatırladaq ki, daha əvvəl Türkiyə beynəlxalq uçuşların bərpasına dair qərar qəbul edib.