Naxçıvan Muxtar Respublikası Ermənistan tərəfindən blokada şəraitindədir və pandemiya dövründə bu blokada özünü daha sərt şəkildə özünü göstərir. ONN media  xəbər verir ki, bunu Azərbaycan Respublikasının Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın bugünkü brifinqində deyib. "Bakı-Naxçıvan arasında təyyarə reysləri təşkil olunur. Test nəticəsi neqativ olan vətəndaşlar bu reyslərdən istifadə edə bilər. Müraciətlərin çox olması ilə bağlı bu reyslərin sayı artırılır. Naxçıvan və Azərbaycanda mövcud olan vəziyyətə əsasən reyslərin təşkili aparılır", - Hacıyev qeyd edib.