Gürcüstanda son 24 saat ərzində koronavirus diaqnozu qoyulan 4 nəfərdən biri Azərbaycandan təxliyə edilən Gürcüstan vətəndaşdır. ONN media  xəbər verir ki, bu barədə Tbilisi Yoluxucu Xəstəliklər Klinikasının tibbi rəhbəri Marina Ezuqbaia jurnalistlərə verdiyi müsahibəsində bildirib. Onun sözlərinə görə, həmin şəxs Gürcüstan sərhədini keçdikdən sonra karantin zonasına yerləşdirilib və vəziyyətinin qənaətbəxş olduğu bildirilir. M.Ezuqbaia qeyd edib ki, son 24 saat ərzində ölkədə qeydə alınan 4 yoluxma halından heç biri virusun daxili yayılması ilə əlaqədar deyil.