Bu gün Azərbaycanın Rusiyadakı səfiri Polad Bülbüloğlu bu ölkənin xarici işlər nazirinin müavini Andrey Rudenko ilə görüşüb. ONN media  xəbər verir ki, səfirliyin Mətbuat xidmətindən verilən məlumata görə, görüş zamanı ikitərəfli münasibətlərin, regional təhlükəsizliyin mühüm məsələləri, o cümlədən Ermənistanla sərhədlərimizdə hazırkı vəziyyət müzakirə olunub. Tərəflər koronavirus pandemiyası və onun fəsadları, habelə hər iki ölkənin vətəndaşlarının vətənə qaytarılması barədə fikirlərini ifadə ediblər. Həmçinin koronavirusdan sonrakı dövrdə birgə əməkdaşlığın müxtəlif istiqamətləri nəzərdən keçirilib.