İran yeni tip koronavirus pandemiyası səbəbilə təxirə salınan Çin uçuşlarına yenidən start verib. ONN media xəbər verir ki, bu barədə İran Hava Yolları Birliyinin katibi Maqsud Əsəd Samani İranlı Tələbələr İnformasiya Agentliyinə açıqlamasında deyib. Onun sözlərinə görə, təyyarə reysləri paytaxt Tehrandan Çinin Quanço şəhərinə təyin olunub. Səfərlər həftədə 1 dəfə təşkil olunacaq. Uçuşlardan Çində yaşayan və ya o ölkənin vətəndaşları olan, təhsil alan və iş vizası olanlar faydalana biləcək. Qeyd edək ki, İranla Çin arasındakı uçuşlar 31 martda dayandırılmışdı.