Suriyada xidmət edən ABŞ əsgərlərinə hücum təşkil olunub. ONN media xəbər verir ki, bu barədə Suriyanın “Əl Vətən” qəzeti məlumat yayıb. Qəzetin xəbərinə görə, ölkənin şərqindəki Haseki vilayətində yerləşən ABŞ hərbi bazasına raket atılıb. Hadisə barədə ətraflı məlumata yer verilməyib. Suriya mətbuatında son zamanlarda dərc edilən xəbərlərə əsasən, Haseki və Deyr-əz-Zor vilayətlərindəki ABŞ bazaları naməlum şəxslər tərəfindən hücuma məruz qalır. ABŞ Müdafiə Nazirliyi (Pentaqon) isə bu istiqamətdəki iddiaları təkzib edir.