Rusiya Hərbi Hava Qüvvələrinə məxsus Su-27 qırıcısı Qara dənizin hava məkanında ABŞ-ın 2 kəşfiyyat təyyarəsinin qarşısını kəsib. ONN media  xəbər verir ki, bu barədə Rusiya Milli Müdafiə İdarəetmə Mərkəzi məlumat yayıb. Bildirilib ki, kəşfiyyat təyyarələri Rusiya sərhədlərinə yaxınlaşıb. Rus pilotlar yaxınlaşan hədəflərin ABŞ Hərbi Hava Qüvvələrinə aid RC-135 kəşfiyyat təyyarəsi və ABŞ Hərbi Dəniz Qüvvələrinə aid P-8A Poseydon patrul təyyarəsi olduğunu müəyyən edib. Qeyd edək ki, bənzər hal iyul ayı ərzində 9 dəfə təkrarlanıb.