Çukot dənizi üzərində Rusiya sərhədi yaxınlığında 3 MiQ-31 təyyarəsi ABŞ-a məxsus “Qlobal Havk” (Global Hawk) pilotsuz uçuş aparatının önünü kəsib. ONN media  xəbər verir ki, bu barədə Rusiya Federasiyasının Milli Müdafiə İdarəetmə Mərkəzinin açıqlamasında deyilib. “Avqustun 11-də Rusiya hava nəzarət sistemləri Çukot dənizi üzərində dövlət sərhədinə yaxınlaşan hədəfi aşkarlayıblar. Hədəfi yaxalamaq üçün Şərq Hərbi Dairəsinin Hava Hücumundan Müdafiə Qüvvələrinə məxsus üç ədəd MiQ-31 havaya qaldırılıb”, - açıqlamada bildirilib.(axar.az)