Fransa Malidəki çevrilişə baxmayaraq terrorçu və radikal islamçılara qarşı mübarizə aparmaq üçün Afrikanın Sahel bölgəsindəki “Barhan” əməliyyatını davam etdirmək niyyətindədir. ONN media xəbər verir ki, bu barədə Fransa Silahlı Qüvvələrinin naziri Florens Parli Tvitter səhifəsində məlumat verib. “Mali tərəfinin tələbi və BMT Təhlükəsizlik Şurasının icazəsi ilə həyata keçirilən “Barhan” əməliyyatı davam edir. Fransa hərbi qüvvələri, Avropa və Saheldakı tərəfdaşlar ilə birlikdə bu missiyanı lazımi peşəkarlıq və ortaq təhlükəsizliyin təmin edilməsi maraqları ilə icra etməyə davam edir”, - Florens Parli bildirib.