Karantin rejiminin yumşaldılması mərhələli şəkildə davam edir. ONN media xəbər verir ki, bunu TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın bu gün keçirilən brifinqində deyib. O qeyd edib ki, yoluxmaların sayında artma müşahidə olunur. "Biz qeyd etmişdik ki, bu gözləniləndir. Lakin o demək deyil ki, biz rahat olmalıyıq. Yenə də karantin rejiminin tələblərinə əməl etməli, gigiyena qaydalarına diqqət etməliyik".