Yaponiyanın Baş naziri Şinzo Abe səhhətinin pisləşməsi səbəbindən vəzifəsindən getdiyini təsdiqləyib. ONN media  bildirir ki, Baş nazir bu barədə bu gün Tokioda keçirilən mətbuat konfransında açıqlama verib. "Ötən ay səhhətimin yenidən pisləşdiyini öyrəndim. Bu həftə yeni bir test edildi. Dövlət rəhbərliyində nəticə önəmlidir. Qərarlarımı düzgün verə bilmirəm. 7 il 8 ay tutduğum vəzifəni davam etdirməməyə qərar verirəm. Xəstəliyimin mütləq yaxşılaşacağına dair bir zəmanət yoxdur. Məclis açılışı da yaxınlaşır. İstefa üçün ən yaxşı vaxt olduğunu düşündüm", - Abe qeyd edib.