Yaponiya parlamentinin üzvləri 16 sentyabrda yeni Baş Nazirin seçilməsi üçün səs verəcəklər. ONN media xəbər verir ki, Liberal Demokrat Partiyasının rəhbərlik etdiyi hakim koalisiyanın səsvermə tarixinin təyin olunmasında müxalifət partiyaları ilə razılığa gəldiyi bildirilib. 14 sentyabrda Liberal Demokrat Partiyası yeni sədrini seçəcək. Qalib gələn namizəd bundan sonra Baş Nazir seçilmək üçün 16 sentyabrda keçiriləcək parlament seçkilərində səs çoxluğuna sahib olmalıdır. Xatırladaq ki, Baş Nazir Şinzo Abe avqustun 28-də uzun müddət davam edən xəstəliyinin ağırlaşması səbəbindən istefa verdiyini açıqlamışdı.