Bir müddətdir ki, səhhətindəki problemlərdən əziyyət çəkən xalq artist Şeyx Əbdül Mahmudovun müalicəsi dövlət tərəfindən nəzarətə götürülüb. ONN media xəbər verir ki, bu barədə rejissor özü məlumat verib. Ə.Mahmudov prezidentin köməkçisi Anar Ələkbərov tərəfindən onun müraciətlərinə cavab verildiyini və müalicə xərclərini Heydər Əliyev Fondunun öz öhdəsinə götürdüyünü bildirib: “Mən bütün KİV işçilərinə təşəkkür edirəm. Anar Ələkbərov müraciətlərimdən sonra mənə xüsusi qayğı ilə yanaşdı. Müalicəm üçün bir nəfər ayrılıb və dövlət hesabına davam edir. Hazırda sistem qoyulub, günü-gündən özümü daha pis edirdim, zəifləyirdim. Mədə-bağırsağımla yanaşı, bronxlarımdan da müalicə alacağam. Ümid edirəm, tezliklə müalicəmi bitirib evə göndərilərəm. Anar Ələkbərova dərin təşəkkürlərimi bildirirəm”.(yenisabah.az)