6 Aralıq dənizi ölkəsi Cənubi Avropa Ölkələri Təşkilatı çərçivəsində zirvə görüşünə toplaşacaq. ONN media xəbər verir ki, cümə axşamı günü Korsika adasında baş tutacaq görüşdə əsas gündəm maddələri Avropa İttifaqı ilə Türkiyə arasındakı münasibətlərdə konsensusu inkişaf etdirmək və Türkiyənin Şərqi Aralıq dənizindəki fəaliyyətləri olacaq. Fransa Prezidenti Emmanuel Makronun təşəbbüsü ilə keçiriləcək zirvədə İtaliya, İspaniya, Malta, Portuqaliya, Cənubi Kipr və Yunanıstanın yüksək vəzifəli şəxsləri iştirak edəcək. Eliz sarayından verilən açıqlamada Fransa hökumətinin Aralıq dənizində yaşanan problemlərin müzakirəsi və MED7 ölkələrinin bölgədəki əməkdaşlıq dinamikası üçün fikir mübadilə edəcəyi bildirilib. Bundan başqa, forum çərçivəsində E.Makron Türkiyə ilə Yunanıstan arasında Şərqi Aralıq dənizində yaşanan gərginlik fonunda Yunanıstanın Baş naziri Kiriakos Mitsotakis ilə xüsusi görüş keçirəcək.