ABŞ Senatında Şərqi Aralıq Dənizində Təhlükəsizlik və Enerji Əməkdaşlığı haqqındaqanun layihəsi təsdiq olunub. ONN media xəbər verir ki, layihəyə əsasən, ABŞ, İsrail, Yunanıstan və Cənubi Kipr arasında enerji əməkdaşlığını koordinasiya edəcək mərkəz qurulacaq. ABŞ Senatının Xarici İşlər Komitəsi tərəfindən qəbul edilən layihənin Türkiyənin Şərqi Aralıq dənizinə ikinci qazma gəmisi göndərməsindən sonra təsdiq edilməsi diqqət çəkir. Layihə həm də Cənubi Kiprə silah satışı ilə bağlı məhdudiyyətlərin aradan qaldırılmasını da ehtiva edir. Yunanıstana 3 milyon dollar dəyərində hərbi yardım göndəriləcək və 2020-2022-ci illər arasında maliyyə büdcəsindən Yunanıstan və Cənubi Kiprə Beynəlxalq Hərbi Təlim yardımları veriləcək. Qeyd edək ki, Yunanıstan və İsrail Türkiyənin Şərqi Aralıq dənizində enerji axtarışlarını qeyri-qanuni hesab edir və bu məsələni Avropa İttifaqında müzakirə səviyyəsinə qədər qaldırıb.