Yunanıstan və Cənubi Kiprin Türkiyə planı çox pis strateji addımdır. ONN media  xəbər verir ki, bunu Avropa Parlamentinin (AP) macarıstanlı deputatı Marton Qyönqyösi deyib. O bildirib ki, Avropa Birliyi (AB) rəsmiləri Aralıq dənizinin şərq hissəsi ilə bağlı əsas problemi görmür: “Yunanıstan və Kipr AB daxilində həmrəylik kartını oynayırlar. Türkiyəni bölgədən təcrid etməyə çalışırlar. Məncə, bu, ən pis strategiyadır. Çünki münaqişə nə qədər dərinləşsə, həll edilməsi bir o qədər də çətin olacaq. Düşünürəm ki, AB, BMT və NATO kimi qurumlar artıq addım atmalıdır”. Macarıstanlı deputat qeyd edib ki, ötən həftə AP Xarici Əlaqələr Komitəsinin iclasında Yunanıstanın Xarici İşlər nazirinin müavini Miltiadis Varvitsiotisə sual verib: “Türkiyənin dəniz məkanında çox sayda yunan adası var. Bu, Yunanıstana sərhədsiz dəniz məkanı əldə etmək hüququ verirmi? Nazir müavini bu suala cavab verməkdə çətinlik çəkdi”.(axar.az)