Türkiyə Misirə Şərqi Aralıq dənizi ilə bağlı təklif göndərib. ONN media  xəbər verir ki, rəsmi Qahirənin razılaşacağı təqdirdə, Türkiyə dənizdən 3 Kipr adası böyüklüyündə sahəni iqtisadiyyatına qatmağı təklif edəcək. Misir isə bunun qarşılığında rəsmi Ankaranın dənizdəki səlahiyyətli bölgələrində fəaliyyətinə müdaxilə etməyəcək. “Hürriyyət”in köşə yazarı Hande Fıratın qələmə aldığı məqaləyə əsasən, Misirə təklif olunan razılıq Liviya ilə imzalanan müqaviləyə bənzəyir. Qeyd edək ki, Mövlud Çavuşoğlu da Misir ilə kəşfiyyat orqanları səviyyəsində görüşlərin davam etdiyini açıqlamışdı.