ABŞ 27 yaşlı güləşçi Nəvid Əfkarinin edamına görə yaxın günlərdə İranın rəsmi şəxslərinə sanksiya tətbiq edəcək. ONN media  xəbər verir ki, bunu sentyabrın 24-də ABŞ-ın İran və Venesuela üzrə xüsusi nümayəndəsi  Elliot Abrams Senatda Yaxın Şərqə dair dinləmələrdə bildirib. Onun sözlərinə görə, güləşçinin edamında günahkar olanlar məsuliyyət daşımalıdır. Qeyd edək ki, sentyabrın 12-də İranın tanınmış güləşçisi Navid Əfkari 2018-ci ildə ölkənin cənubundakı Şiraz şəhərində hökumətə qarşı etiraz nümayişi zamanı su şirkətinin bir işçisini (başqa məlumata görə təhlükəsizlik keşikçisini) bıçaqla öldürməkdə təqsirli bilinərək edam edilib.