Rusiyanın xarici işlər naziri Sergey Lavrov bu gün Ermənistan xarici işlər naziri Zohrab Mnatsakanyan ilə telefon danışıb. Rusiya Xarici İşlər Nazirliyinin saytında yer alan məlumata görə, danışıq zamanı Dağlıq Qarabağ ətrafındakı vəziyyət müzakirə olunub. Sergey Lavrov təmas xəttində davam edən genişmiqyaslı döyüş əməliyyatları, itkilər və yaralılar barədə alınan məlumatlardan ciddi narahatlığını bildirib. Dərhal atəşkəsin zəruriliyi vurğulayıb. Rusiyanın ATƏT-in digər Minsk Qrupu həmsədrləri ilə birlikdə vəziyyəti sabitləşdirmək üçün vasitəçilik səylərini davam etdirəcəyi qeyd edildi. Lavrovun bu gün azərbaycanlı həmkarı ilə telefon danışığı aparacağı bildirilir.