İsraildə COVID-19-a qarşı mübarizə çərçivəsində karantin müddətində etirazları məhdudlaşdırmaqla bağlı qanun layihəsi qəbul edilib. ONN media  xəbər verir ki, artıq əhali evlərindən bir kilometr məsafədə olan nümayişdə iştirak edə biləcək. Bu qərarla şəhər xaricindən və şəhərin ucqar bölgələrindən gələn etirazçıların Baş nazir Binyamin Netanyahunun Qərbi Qüdsdəki iqamətgahı qarşısında dörd aydan çox davam edən etirazlarının dayandırılmasına şərait yaranıb. İsrail müxalifləri bu qərara reaksiya verərək, etirazların məhdudlaşdırılmasının ölkə demokratiyasına zərər verdiyini və Netanyahunun COVID-19 bəhanəsi ilə siyasi maraqlarına xidmət etdiyini bildiriblər.(oxu.az)