Rusiya Təhlükəsizlik Şurasının Baş katibi Nikolay Patruşev ilə Ağ Evin Milli Təhlükəsizlik üzrə müşaviri Robert O’Brayen Dağlıq Qarabağ məsələsi ilə bağlı müzakirə aparıb. ONN media  xəbər verir ki, bu barədə Rusiya Təhlükəsizlik Şurasının mətbuat katibi Yevgeni Anoşin açıqlama yayıb. Açıqlamada bildirilib ki, Patruşev və O'Brayen ikili münasibətlərin normallaşdırılması və beynəlxalq təhlükəsizliyin artırılması məqsədilə Cenevrədə görüşüb. Tərəflər Dağlıq Qarabağdakı vəziyyətlə bağlı da fikir mübadiləsi aparıb. Qeyd edək ki, ATƏT-in Minsk qrupunun həmsədrləri Rusiya, ABŞ və Fransa prezidentləri ortaq açıqlama yayaraq bölgədə dərhal atəşkəsin təmin olunması çağırışı etmişdi.