Rusiya nümayəndə heyəti Qarabağla bağlı ortaq müşahidə mərkəzi haqqında razılaşmanın detallarını müzakirə etmək üçün sabah Ankaraya yola düşəcək. ONN media  xəbər verir ki, bunu Türkiyənin Xarici İşlər naziri Mövlud Çavuşoğlu deyib. Çavuşoğlu Bakıda keçirdiyi brifinqdə bildirib ki, Rusiya nümayəndə heyətinin sabah müqavilənin detallarını müzakirə etmək üçün səfərini gözləyirlər. Qeyd edək ki, Rusiya və Türkiyənin Müdafiə nazirləri Sergey Şoyqu ilə Hulusi Akarın Dağlıq Qarabağda atəşkəsə nəzarət etmək üçün ortaq bir mərkəz yaradılması barədə bir memorandum imzaladığı məlumdur.