“Azərbaycan xalqı böyük qələbənin sevincini yaşayır. Xalqımızın qurtuluş savaşı zəfərlə başa çatıb, ölkəmizin bütövlüyü təmin olunub. Təəssüf ki, müharibə itkisiz olmur”. ONN media xəbər verir ki, bunu parlamentin bu gün keçirilən plenar iclasında Milli Məclisin (MM) sədri Sahibə Qafarova deyib. O, deputatlardan xahiş edib ki, torpaqlarımızın azadlığı uğrunda şəhid olanların xatirəsi 1 dəqiqəlik sükütla yad edilsin. Daha sonra şəhidlərin xatirəsi 1 dəqiqəlik sükutla yad edilib.