Biz bu müddətdə iki cəbhədə vuruşmuşuq. Mən buna görə tibb işçilərimizə təşəkkür edirəm. ONN media  xəbər verir ki, bunu TƏBİB-in Xəstəliklərin profilaktikası və kontrolu departamentinin müdiri Yaqut Qarayeva Nazirlər Kabineti yanında Operativ Qərargahın bu gün keçirilən brifinqində deyib. O qeyd edib ki, ölkəmizdə 2000-dən artıq gündəlik yoluxma müşahidə olunur: "Daha əvvəl maksimal rəqəm 600 qeyd olunurdusa, bu gün səhiyyə sistemi yüklənir. Bu müddətdə ölkəmizdə 10-dan çox modul tipli xəstəxanalar açıldı, xarici ölkələrdən qısa və uzun müddətli fəaliyyət göstərən tibb mütəxəssisləri gətirildi. Biz müharibədə vuruşan əsgərlərimizə xidmət göstərməyə davam edirik və buna görə də hər iki cəbhədə mübarizəmiz davam edir. Biz gördük ki, xalqımız istədiyi təqdirdə, birlik ola bilir. Bu gün koronavirusa görə birlik göstərməyin vaxtı gəlib" O qeyd edib ki, yoluxma saylarının artması nəticəsində xəstəxanalarda xəstələrin qospitalizasiyası üçün yer sayında azalma müşahidə olunur: "Daha əvvəl gün ərzində maksimal 5 000 test aparılırdısa, bu gün 13 000-ə çatdırılıb. Lakin paralel olaraq dünyasını dəyişən xəstələrimizin sayı 10-dan 25-ə yüksəlib. Artıq bütün dünyanın gəldiyi nəticəyə görə, virusla mübarizədə karantindən başqa yol yoxdur. Biz bunu Avropa ölkələrində də gördük, hər birində fərqli sərt karantin tədbirləri görülür. Peyvəndin tətbiqinə başlayana qədər başqa yol yoxdur"