Ermənistan Ədliyyə Nazirliyinin rəhbəri Rüstəm Badasyan vəzifəsindən qovulacaq. ONN media  xəbər verir ki, bu barədə “Qraparak” erməni nəşri məlumat yayıb. Bildirilib ki, boş qalacaq posta artıq namizədlərin adı müəyyənləşib: “Ermənistan polisinin keçmiş rəis müavini Ovannes Köçəryan nazir vəzifəsinə namizədlər arasında idi, lakin o, bu təklifi rədd etdi. Hazırda iki qadın namizəd - keçmiş ədliyyə nazirinin müavini, indiki baş nazirin müşaviri Anna Vardapetyan və hazırkı nazir müavini Kristina Qriqoryan arasında seçim edilir”. Qeyd edək ki, Rüstəm Badasyan 19 iyun 2019-cu il tarixində Ermənistanın ədliyyə naziri təyin edilmişdi. Məlumat üçün bildirək ki, baş nazir Nikol Paşinyan hakimiyyətdə qalmaq üçün hökumət tərkibini 80% dəyişmək niyyətindədir. Bu çərçivədə artıq bir neçə nazir və onların müavinləri vəzifələrindən qovulub.