Bülent Arınç Türkiyə Prezidentinin Ali Məsləhət Şurasının üzvlüyündən istefa verib. O, şəxsi tvitter hesabında bu barədə yazıb. B.Arınç Prezident Rəcəb Tayyib Ərdoğanla görüşdüyünü və halallaşdığını bildirib: “Həyatım boyunca doğru söz, doğru prinsip, dürüstlük və vicdanımın səsi rəhbərim oldu. Buna görə də çox əvəz ödədim. Amma bundan əsla vaz keçmədim. Bundan sonra da vaz keçməyəcəm”. Qeyd edək ki, B.Arınç 2002-2007-ci illərdə Türkiyə Böyük Millət Məclisinin sədri olub. 2009-2015-ci illərdə isə 61 və 62-ci hökumətlərdə baş nazirin müavini işləyib.