Kollektiv Təhlükəsizlik Müqaviləsi Təşkilatı mövcud hərbi-siyasi vəziyyəti nəzərə alaraq kollektiv qüvvələrinin operativ yerləşdirilməsi planına dəyişiklik edəcək.

ONN media  xəbər verir ki, bunu KTMT ölkələri Müdafiə Nazirləri Şurasının iclasından sonra Rusiyanın Müdafiə naziri Sergey Şoyqu söyləyib.

Onun sözlərinə görə, təşkilata üzv ölkələrin sərhədlərindəki hərbi-siyasi vəziyyət, həmçinin hərbi kollektiv təhlükəsizliyə yönələn çağırışlara və təhdidlərə qarşı birgə mübarizə təklifləri ətraflı müzakirə edilib: “Müasir reallıqları nəzərə alaraq kollektiv sürətli reaksiya qüvvələrinin operativ yerləşdirilməsi planının sənədlərinə yenidən baxmağa qərar verdik" dedi.

Şoyqu önümüzdəki dövrdə hərbi komponentin inkişaf istiqamətlərinin də müəyyən edildiyini bildirib.