Rusiyanın müdafiə naziri Serqey Şoyqu koronavirusa qarşı peyvənd vurdurub. ONN media xəbər verir ki, bunu hərbi qurumun rəhbərinin özü bildirib. Bildirilir ki, sentyabrın 4-də Moskvada MDB, KTMT, ŞƏT və Serbiyanın müdafiə idarələrinin rəhbərlərinə koronavirusa qarşı Rusiyanın ilk peyvəndi nümayiş olunub. Serqey Şoyqu da xarici ölkələrdən olan həmkarlarının suallarını cavablandırarkən bu yaxınlarda COVID-19-a qarşı peyvənd vurdurduğunu bildirib.