Ermənistan Milli Təhlükəsizlik Xidmətinin rəhbəri Armen Abazyan Moskvaya ikinci işgüzar səfərə getməyib. ONN media  xəbər verir ki, bu barədə qurumun mətbuat xidməti məlumat yayıb. Bildirilib ki, dekabrın əvvəllərində Abazyan Moskvaya yola düşüb. Bu səfər Milli Təhlükəsizlik Xidmətinin mətbuat ofisi tərəfindən təsdiqlənsə də, iclasın gündəliyi açıqlanmamışdı. Erməni mediası Abazyanın yenidən Moskvaya getməsi barədə xəbər yaymışdı. Bu məlumat isə rəsmi təsdiqini tapmayıb. Abazyanın ikinci səfərinin Ermənistandakı siyasi çaxnaşma səbəbilə baş tutmadığı bildirilir. Qeyd edək ki, Armen Abazyan 8 oktyabr 2020-ci il tarixində Ermənistan Milli Təhlükəsizlik Xidmətinin rəisi təyin edilib. Bu vəzifədə, o, Dağlıq Qarabağdakı döyüş əməliyyatları zamanı işdən çıxarılan 29 yaşlı Argişti Kərəmyanı əvəz edib.