“Hüquqtanımaz Trampın gedişinə görə çox xoşbəxtik”.

ONN media xəbər verir ki, bunu İran Prezidenti Həsən Ruhani deyib.

İran Dövlət Televiziyasının məlumatına görə, Ruhani prezident seçkilərində qalib gələn Co Baydenin dövründə Vaşinqtonun nüvə razılaşmasına geri qayıdaraq sanksiyaları götürməsini gözlədiklərini söyləyib: “Biz Baydenin gəlişindən ötrü xoşbəxt deyilik, amma Trampın gedişinə çox sevinirik. Bu qədər günah işləyən, qatil və terrorçu olan bu adam peyvənd almaq məsələsində belə bizə mərhəmət göstərmədi”.

H.Ruhani qeyd edib ki, İran hərbi və nüvə potensialını 2015-ci il şərtləri ilə müqayisə edilməyəcək qədər artırıb. Bütün bunlara rəğmən, ABŞ nüvə razılaşmasına geri qayıdarsa, İran da öz öhdəliklərini yerinə yetirməyə başlayacaq.