İran Prezidenti Həsən Ruhani ABŞ-ın İranla bağlanan nüvə sazişindən çıxmasına reaksiya verib.

ONN media xarici KİV-ə istinadən xəbər verir ki, Ruhani İranın nüvə sazişinin bütün maddələrini tətbiq etdiyini və anlaşmaya zidd addım atmadığını deyib.

O bildirib ki, İran nüvə sazişinə bundan sonra digər beş ölkə ilə davam edəcək. Ruhani ABŞ-ın razılaşmadan geri çəkilməsinin qəbuledilməz olduğunu deyib.

İrandan başqa Avropa İttifaqından da ABŞ-ın bu hərəkətinə reaksiya verilib. Aİ-dən verilən açıqlamada qurumun beynəlxalq birlik olaraq nüvə sazişini qoruyacağı vurğulanıb.