Ermənistanın baş naziri Nikol Paşinyan Sünik bölgəsindəki yaşayış məntəqələrindən birinin sakinləri ilə görüşüb. ONN media   xəbər verir ki, o, Gorus-Qafan yolunda Azərbaycanın sərhəd qoşunlarının yerləşdirildiyini və təhlükəsizlik, istismar kimi məsələlərin Rusiya sərhədçiləri ilə birgə təmin ediləcəyini deyib. Onun sözlərinə görə, bütün bunlar münaqişənin daha da kəskinləşməsinin və yenidən başlamasının qarşısını almaq üçün edilir. Paşinyan əhalini çaxnaşmamağa çağıraraq məsələni həll edəcəyinə söz verib. Sünik sakinləri isə baş nazirlə danışacaq sözləri olmadığını bildirib.