“Kim vəzifəyə gəlirsə gəlsin, ölkənin əsas quruluşu və düşmənçilik siyasəti dəyişməyəcək”. ONN media  xəbər verir ki, bu sözləri Şimali Koreya lideri Kim Çen In deyib. O, nüvə silah anbarını gücləndirdiyini və inkişaf mərhələsində olan yüksək texnoloji silah sistemlərinin siyahısını açıqlayıb. Kim Çen In Vaşinqtonla dialoqa hazır olduqlarını, amma nüvə potensialını və hərbi güclərini daha da artırmağın vacibliyini bildirib. Şimali Koreya lideri çıxışında ABŞ-ın ölkəsinin əsas düşməni olduğunu söyləyib. O, düşmən qüvvələrinin nüvə silahından yararlanmağı düşünmədiyi müddətdə bu silahdan istifadə edilməyəcəyini deyib. Kim ölkənin demək olar ki, bütün sahələrinin iqtisadi inkişaf planlarından geri qaldığını və 2016-cı ildə təyin olunan 5 illik inkişaf planının uğursuz olduğunu da etiraf edib.