İndoneziyada dalğıclar qəzaya uğrayaraq Yava dənizinə düşən təyyarənin qara qutularının axtarış rayonunu kiçiltməyə nail olublar. ONN media  xəbər verir ki, bu barədə İndoneziya Nəqliyyatda Təhlükəsizliyin Təmin Olunması Komitəsinin rəhbəri Soercanto Tacahono bildirib. "Biz qara qutuların yerləşdiyi üçbucaq şəklində olan axtarış rayonunu xeyli kiçiltməyə nail olmuşuq. Ümid edirəm, sabah biz onları tapmağa və sahilə çıxarmağa nail olacağıq", - S.Tacahono deyib. Qeyd edək ki, bu gün yayılan digər məlumatda Boinq-737 təyyarəsinə məxsus 2 qara qutunun tapıldığı bildirilmişdi.