ABŞ-ın hazırkı Prezidenti Donald Tramp təhlükəsizliyi təmin etmək üçün yeni seçilmiş prezident Cozef Baydenin inaqurasiya mərasimi ərəfəsində fövqəladə vəziyyət rejimi tətbiq edib. ONN media  xəbər verir ki, Ağ Evin açıqladığı məlumata görə, bu qərar Milli Təhlükəsizlik Departamenti və Federal Fövqəladə İdarəetmə Agentliyinə lazımi yardımın göstərilməsi üçün bütün səyləri əlaqələndirməyə imkan tanıyacaq. Xatırladaq ki, yanvarın 6-da Kapitoli binasında ABŞ-ın hazırkı Prezidenti Donald Trampın tərəfdarları ilə polis arasında toqquşmalar olmuşdu. Hüquq-mühafizə orqanlarının əməkdaşları gözyaşardıcı qaz və səs bombasından istifadə etmişdilər. ABŞ Senatı iclası təxirə salmışdı. Tramp tərəfdarları Kapitoli binasına girərək Senat zalını mühasirəyə almışdılar. Daha sonra Tramp Vaşinqtondakı etirazçıları dinc hərəkət etməyə çağırmışdı, halbuki onları Konqresə özü göndərmişdi.(publika.az)