ABŞ-ın hazırkı Prezidenti Donald Tramp yeni prezident Cozef Baydenin inaqurasiya mərasimindən əvvəl ölkədən çıxacaq. ONN media  xəbər verir ki, bu barədə İngiltərənin “Qardian” qəzeti iddia yayıb. Bildirilib ki, D.Tramp 19 yanvarda Şotlandiyaya qaçacaq. Şotlandiyanın yerli mətbuatı isə “Turnberry” qolf məkanının yaxınlığındakı “Prestwick” hava limanına 19 yanvarda Ağ Evə aid “Boeing 757” tipli təyyarənin enəcəyini yazıb. Noyabr ayı ərzində ABŞ Hərbi Hava Qüvvələri tərəfindən bölgədə aparılan kəşfiyyat və müşahidə fəaliyyətləri bu iddiaları qüvvətləndirir. Xəbərdə adı açıqlanmayan mənbənin “bu, adətən, Trampın uzun müddət bir yerdə olacağına işarədir” sözlərinə yer verilib. Mütəxəssislər “Boeing 757” tipli təyyarənin “Air Force One” adlandırılan ABŞ prezidenti üçün təsis edilmiş təyyarədən daha kiçik olduğunu və daha az diqqət çəkdiyini, təyyarənin birinci ledi Melaniya Tramp tərəfindən istifadə edildiyini bildirir.