Şanlı ordumuz düşməni darmadağın edərək ərazi bütövlüyümüzü təmin edib. Ermənistan-Azərbaycan, Dağlıq Qarabağ münaqişəsi Prezidentin dediyi kimi, artıq tarixdə qalıb.

ONN media  xəbər verir ki, bunu Milli Məclisin sədri Sahibə Qafarova parlamentdə çıxışı zamanı bildirib.

Spiker əlavə edib ki, Azərbaycan Şuşaya qayıdır: “Biz orada əbədi yaşayacağıq”.

Sahibə Qafarova parlamentin 2020-ci ildəki fəaliyyətini uğurlu hesab edib. Bildirib ki, Milli Məclis Prezidentin apardığı siyasəti dəstəkləmək üçün əlindən gələni edir.

Çıxışı zamanı spiker onu da qeyd edib ki, artıq Milli Məclisin rəsmi saytı yeni formada fəaliyyətə başlayıb.