İrana qarşı sanksiyalar götürülməsə, nüvə fəaliyyətləri genişləndiriləcək. ONN media xəbər verir ki, bunu ölkənin Xarici İşlər naziri Məhəmməd Cavad Zərif deyib. Zərif bildirib ki, Vaşinqtonun yeni hökuməti ilə yeni yanaşmanı sınaqdan çıxarmaq fürsəti var, amma mövcud pəncərə sürətlə bağlanır. “Parlamentimiz tərəfindən qəbul edilən nüvə proqramımızı genişləndirmək, o cümlədən də Atom Enerjisi üzrə Beynəlxalq Agentliyin müfəttişləri ilə iş birliyimizi azaltmaq da daxil olmaqla, görüləcək tədbirlər nüvə razılaşmasındakı haqlarımızla uyğundur. Bu addımların yalnız ABŞ hökumətinin Trampın İrana qarşı uğursuzluğundan dərs almağa qərar verməsi təqdirində qarşısı alına bilər”.