Ermənistan Müdafiə Nazirliyi ölkədə yaranmış vəziyyətlə bağlı bəyanat yayıb. ONN media xəbər verir ki, bəyanatda bildirilib ki, ordu siyasətdən kənar strukturdur. “Ermənistan Respublikasının Silahlı Qüvvələri vətənimizin sərhədlərinin qorunmasını tam həyata keçirir və təhlükəsizliyini təmin edir. Ordu siyasətdən kənar quruluşdur, Silahlı Qüvvələri hər hansı siyasi prosesə cəlb etmək cəhdlər qəbuledilməzdir. Hər belə cəhd Ermənistan Respublikasının sabitliyini və təhlükəsizliyini təhdid edir. Ermənistan Müdafiə Nazirliyi bu cür hərəkətlərə ləyaqətlə cavab verəcək ” – bəyanatda deyilir. Qeyd edək ki, Ermənistan Silahlı Qüvvələrinin Baş Qərargahı bu gün iki dəfə Baş nazir N. Paşinyanın istefasını tələb edən bəyanatla çıxış edib.