Türkiyə tərəfi Gürcüstan da daxil olmaqla, regionda çoxtərəfli əməkdaşlığa üstünlük verir. Türkiyə Azərbaycan kimi, Gürcüstanın da ərazi bütövlüyünü dəstəkləyir.

ONN media xəbər verir ki, bunu Türkiyə xarici işlər naziri Mövlud Çavuşoğlu Gürcüstanın xarici işlər naziri Davit Zalkaliani ilə görüşündə bildirib.

Nazir vurğulayıb ki, Bakı-Tiflis-Qars dəmir yolu, Bakı-Tiflis-Ərzurum qaz kəməri, TANAP layihələri ətrafında da müzakirələr aparılıb.

Qeyd olunub ki, Azərbaycan, Türkiyə və Gürcüstanın xarici işlər nazirlərinin yaxın vaxtlarda Bakıda keçiriləcək üçtərəfli görüşündə regional əməkdaşlıq üçün faydalı müzakirələr aparılacaq.