Ötən gün ABŞ-ın Rusiyaya qarşı yeni sanksiyaları elan etməsindən sonra bu ölkənin Moskvadakı səfiri Con Sallivan Kremlə çağırılıb.

ONN media xəbər verir ki, səfirin Kremlə dəvət edilməsi barədə danışan Rusiya Prezidenti Vladimir Putinin mətbuat katibi Dmitri Peskov bildirib ki, Salivvana Rusiyanın atacağı cavab addımlar barədə məlumat verilib.

Qeyd edək ki, aprelin 15-də ABŞ prezidenti Cozef Bayden Rusiyaya qarşı yeni sanksiyaların tətbiq olunması ilə bağlı sərəncam imzalayıb. Sanksiyalar Rusiyanın 32 fiziki və hüquqi şəxsinə, o cümlədən 6 texnoloji şirkətinə tətbiq edilib.