Azərbaycan Yazıçılar Birliyinin birinci katibi, xalq şairi Fikrət Qocanın dəfn mərasimi keçirilir. ONN media  xəbər verir ki, mərhumun cənazəsi torpağa tapşırılmaq üçün I Fəxri xiyabana gətirilib. Dəfn mərasimində Mədəniyyət Nazirliyinin nümayəndələri, Yazıçılar Birliyinin rəhbərliyi, şair və yazıçılar, mədəniyyət xadimləri, xalq şairinin ailə üzvləri iştirak edirlər. Qeyd edək ki, F.Qoca bu gün səhər saatlarında uzun sürən xəstəlikdən sonra 85 yaşında dünyasını dəyişib.