Şeyx Şamil küçəsinin metronun "İçərişəhər" stansiyasına yaxın hissəsində avtobus dayanacağının qarşısında yol çöküb. ONN media xəbər verir ki, qəzanın baş verdiyi ərazidə yolun çökməsinə dair heç bir işarə yoxdur. Şeyx Şamil küçəsindən İstiqlaliyyət küçəsinə doğru hərəkət edən sürücülərdən bu ərazidə ehtiyatlı olmaları tövsiyə edilir. Avtomobil Yolları Dövlət Agentliyinin mətbuat katibi Anar Nəcəfli bildirib ki, qısa müddət ərzində çökmənin baş vermə səbəbi müəyyən edilərək aradan qaldırılacaq və yolun asfalt-beton örtüyü bərpa ediləcək.