Novxanı-Binəqədi yolunda ağır qəza olub.

ONN media bildirir ki, qəza Novxanı-Binəqədi avtomobil yolunun 7-ci kilometrliyində baş verib.

Belə ki, hərəkətdə olan iki “Mercedes”, “Tofaş” və “Toyota” markalı avtomobillərinin iştirakı ilə zəncirvari qəza qeydə alınıb.

Qəza nəticəsində minik avtomobillərinə ciddi ziyan dəyib və beş nəfər müxtəlif dərəcəli bədən xəsarətləri alıb. Yaralılar xəstəxanaya yerləşdirilib. Bir müddət yolda tıxac yaranıb.

Əraziyə yol polisinin əməkdaşları cəlb olunub və yolda nəqliyyat vasitələrinin hərəkəti bərpa olunub.

Faktla bağlı araşdırma aparılır.